Kosprys en verkoopprys

Vir 'n besigheid om geld te maak, moet dit goedere of dienste vir meer as wat dit kos, verkoop.

Die kosprys is hoeveel die item die besigheid kos.

Die verkoopprys is hoeveel die besigheid vir die item kry.

Die verskil tussen die kosprys en die verkoopprys word die prysverhoging genoem. Prysverhoging kan as die verskil in Rand-waarde of as 'n persentasie gegee word.

Soms sal 'n besigheid vir die klant afslag op items aanbied. Dit beteken dat die klant minder as die verkoopprys vir die item sal betaal.

Pryse moet billik teenoor klante wees, terwyl die besigheid steeds 'n wins moet maak.

Die wins wat 'n maatskappy maak, word bepaal deur die verskil tussen die verkoopprys en die kosprys. As die verkoopprys minder as die kosprys is, sal die maatskappy 'n verlies ly.

Voorbeelde:

1.'n Klerewinkel het R110 vir hemde betaal en dit teen R146 elk verkoop.  

Bereken die persentasie wins wat die klerewinkel op die verkoop van die hemde gemaak het.

2.Tydens die sokkerwêreldbeker besluit Andy om vuvuzelas te verkoop. Hy koop twee dosyn vir R144. Hy besluit om dit vir R15 elk te verkoop. Bereken:

a.Die koste van een vuvuzela.

b.Die prysverhoging, in Rand, op een vuvuzela.

c.Die persentasie wins per dosyn vuvuzelas verkoop.

Antwoorde:

1.Wins = 146 – 110 = 36

2.

a.144 ÷ 24 = R6

b.15 – 6 = R9

c.% wins op een of 'n dosyn sal dieselfde wees...

Afslag word ook as 'n persentasie bereken, maar dit is die persentasie van die verkoopprys.

Voorbeeld:

'n Musiekwinkel het te veel DVD’s vir die verwagte Kersfeestoeloop gekoop en hou 'n uitverkoping. Die afslagprys van die DVD’s is R141.

As die winkel afslag van 40% toestaan, wat was die oorspronklike prys van 'n DVD?

Antwoord:

Afslag van 40% beteken dat die nuwe prys 60% van die oorspronklike prys is.

60 % × oorspronklike prys = R141

Oorspronklike prys = R141 ÷ 60% = R235